إعـــــــلان

تقليص
لا يوجد إعلان حتى الآن.

إعـــــــلان

تقليص
لا يوجد إعلان حتى الآن.

صحيفة الاهلي (78) م (1) الاهلي يستعد لمواجهة بيراميدز يوم الثلاثاء 7:30 م

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

    بالنسبه للاناكونضا
    كان احسن له الدوري الفرنسي عن التركي
    الدوري التركي ده تعبان ومعظم انديته نصابين مش بيدفعوا فلوس
    المهم انه يغور من الزريبه
    صعب يلاقوا مهاجم يعوضه لان المهاجم الهداف بقي عمله نادره حاليا

    تعليق


      المشاركة الأصلية بواسطة محمد فاروق مشاهدة المشاركة
      اولا بحييك يا سيزار ... محترم و بتناقش بعقل منفتح ... ده قبل اي نقاش
      نخش بقه في الموضوع
      حتة شراء اللعيبة دي عاوز اتكلم فيها شوية اولا بس انا عاوز اوضح اني مش ضد اني اجيب لاعب كويس بجد ... لاني حاسس ان النقاش بدا ياخد اتجاه ( مش منك ) اني مثلا معترض يعني علي حاجة زي كده ... هو انا اكره ليه يعني. بالعكس انا متفق معاك و مع الشباب في دي

      ​​​​​​ثانيا برضه احنا متفقين في ان شرا اللعيبة لازم يكون بدراسة و متابعة مش بسيديهات و حركات.
      فاحنا يعني مبدئيا مش مختلفين ... عاوز ده يبقي واضح
      نيجي بقه لثالثا و ده المهم
      موضوع الشرا و الصفقات في حاجات كتير بتتحكم فيه ... الموضوع مش سالك قوي زي ما ناس كتير بتتكلم عنه
      مثلا ... لما سموحة و انبي و دجلة يحبوا يشتروا (علي زبدة) من المقاولين مثلا هيبقي الكلام علي 500 الف من دجلة فانبي يدفع 600 فيشيل و دجلة مش هيعلي عن كده لان ده سقف امكانياته و المقاولين نفسه مش هيطلب مليون اساسا
      انما تعالي انت اشتري نفس اللاعب من المقاولين
      فتح كلام 30 مليون و هيخليهولك رونالدو مصر و هتلاقيه بيقول لك جايله عرض من نيوشاتل ب 3 مليون يورو و الهلال السعودي عاوزه ب 3 و نص
      فانت تقول لا كتير عليه تلاقي بيراميدز طالع لك ب 35 و الزمالك ب 40
      فيا تدفع 41 و تجيب اللاعب يا تصرف نظر و تدور علي غيره
      و موضوع صرف النظر ده مش سهل زي ما دجلة صرف نظر و لا زي ما كل الناس متخيلة
      لا
      دخولك مبدئيا في اللاعب ده معناه انه لاعب كويس و ينفع يجي الاهلي ... فمش من السهل انك تسيبه للزمالك و بيراميدز المنافسين و يا سلام لو سبته و جاب جول هناك و لا رقص ترقيصة و الزياط اشتغل ... ليلتك سودة.
      ثانيا مجرد ما بيطلع كلام انك بتفكر بس في علي زبدة ده بيتحول اللاعب لصفقة جماهيرية و انك تجيبه في حد ذاته بيتحول لانتصار ما يقلش عن الفوز بالدوري عند البعض و مش عاوز اجيب امثلة.
      ثالثا احيانا و ده بيحصل كتير بردة المدرب نفسه بيبقي شابط في لعيب معين و ممكن الادارة تكون شايفة ان فيه بدايل سواء اخسن او ارخص او اسهل في التخليص ... بس لا المدرب خلاص قفلت معاه يا ده يا مش لاعب
      كل دي عوامل بتخلي الاسعار مش متناسبة مع الكواليتي احيانا بس هنعمل ايه ده قدرك كفريق بطل و غني و مع الاسف كمان جمهورك مش بيصبر علي ناشئ
      حاجة كمان متعلقة بسيستم الدوري و اللوائح بتاعت الاتحاد بتاعنا و الناس مش عارف ليه مش واخدة بالها منها
      احنا القايمة 30 لاعب كان منهم 27 مصريين و 3 اجانب و بعدين 4 بس يلعب 3 و بعدين اربعة يلعبوا كلهم و بعدين 4 و 1 شمال افريقي و عاوزين يلغوها
      فانت مجبر اصلا علي انك تتعامل مع سوق مقفول ... انت قوامك الرئيسي مصري و ما عندكش مساحة حركة او تصرف اكتر من 3 او 4 اماكن
      طيب نيجي بقي للاجنبي ... برضه نفس الكلام لو لاعب افريقي هتلاقي فريقه اللي كان ممكن يبيعه ب 100 الف دولار لكانون ياوندي عادي بيطلب منك فتح كلام 2 ولا 3 مليون ... و برضه نفس فيلم دخول الزمالك و بيراميدز هيحصل و فيلم الصفقة الجماهيرية هيحصل
      هسأل سؤال بامانة للكل
      لو كان بواليا يوم راس السنة طلعت صوره بالفانلة البيضا مش الحمرا ... تفتكر كان هيبقي ايه ردود الافعال؟
      تحدي ان نفس الناس اللي شتمت الادارة و الجهاز علشان جه كانت هتبقي هيا نفسها اللي بتشتم برضه علشان ما جاش و ازاي الزمالك اللي ما معهوش فلوس يخش يخلص و انت قاعد في الجونة مفخد يا امير و فينك يا قيعي و الكابتن لسه ما صحيش من النوم و لا ايه؟ و ما حدس يقول لي كلامي مش صح لاني شفت الكلام ده مليار مرة .
      طيب لو المحترف اجنبي مش افريقي
      عربي مثلا او لاتيني بقه و لا حتي اوروبي او افريقي راجع من اوربا
      تفتكر انه من السهل تلاقي لاعب فلتة هناك يقبل يجي مصر اصلا؟ قولا واحدا لا
      انت هتشتري حد كبر خلاص و ما عليهوش طلب او حد عاوز يلعب معاك فترة قصيرة و يرجع تاني و انت مجرد محطة و مش في دماغه اصلا .. الواد كوليبالي مثال صارخ .. بادجي شرحه.

      طيب نفترض لقينا لاعب كويس و ما عندوش مانع يجي ... برضه هنرجع لنفس الموال ... اللاعب اللي ممكن يقبل يتنقل من بلجيكا لهولندا بمليون ... هيطلب فيه من فريقه 4 و 5 لانك خليجي بقه و بتدفع. بادجي برضه مثال صارخ.
      اللاعب نفسه هيطلب 3 اضعاف مرتبه لانه هيضحي يا عيني و يلعب مع ناس عالم ثالث زينا في دوري مش عارفين يدفعوا فيه فلوس ال var و هيقعد مع ناس بتاكل ملوخية عند البرنس.. فيا تدفع يا تصرف نظر
      لو دفعت ساعتها بقي هندخل في قصة المحافظة علي كيان الفرقة
      و اديكوا شايفين بيراميدز اللي قالك ده احتراف و مش عارف ايه و كل لاعب له سعره و بتاع
      اهو اللعيبة بتتخانق في الملعب و النفوس مش صافية
      لا في مصر ما فيش احتراف من الاخر
      اللاعب بيبص للي جنبه بياخد كام و بيغل
      و لو مهاجم سفاح بياخد اكتر من الجناح مش هيباصيله اصلا علشان ما يتنجمش زيادة
      يا جماعة الواقع شئ و التنظير شئ تاني خالص

      الجميل بقي بالنسبة لي و بستمتع لما بقراه هو الاراء اللي بتطلع بعد اي قرار
      لو جبت لاعب رخيص يقول لك ده مش مستوي الاهلي و الادارة فاشلة و بتسترخص .. مش لانه مش كويس. لا لان سعره قليل. فاكيد مش قد كده
      و لو جبته غالي يقول لك الادارة دي عندها سفه و بيتضحك عليها و بتلبس صفقات و افشل ادارة تعاقدات و اي عيل ماشي في الشارع بيفهم اكتر منها
      و لو قلت ده رخيص مش جايبه و جاب جول هنا و لا هنا ... يقول لك يعني ما الواد كان قدامنا و برخص التراب و رايحين نجيب فلان اللي جايب 10 اجوان بس و بمبلغ قد كده ... ادارة فاشلة و جهاز فني بهايم فين العين الخبيرة اللي بتابع المواهب المغمورة
      و لو قلت عالغالي غالي و ما جبتوش و جاب برضه جول يطلع يقول لك يعني فيه حد يسيب فلان ... ما تدفع يا اخي ... يخربيت البخل ادارة فاشلة ما بتفهمش في التسويق .. لاعب زي ده تجيبه و يتالق و سنتين تبيعه ب 10 اضعاف تمنه بس فين الفكر و فين المش عارف ايه
      تروح تجيب واحد خبرة و سنه كبيير شوية زي سيرينو مثلا ... تلاقي اللي يقولك بس 3 مليون كتير .. ده كبير و مش هتعرف تبيعه بعدين .. كانه عربية و لا تلاجة هتبيعها بعدين علشان تجدد.
      انا تعبت من الكتابة و انتوا اكيد تعبتوا من القراية
      ده اذا قريتوا اصلا.



      متفق مع تقريبا كل الكلام ده

      بس تعقيب

      اولا انا كادارة يكون عندى استراتيجية محددة ( وبغيرها او بعدلها حسب المتغيرات )
      الاهلى بنقول عليه افضل مؤسسة ف مصر , فغير المقبول انى اخد قرار وابرره انى اخدته علشان الجمهور عايز كدة
      كدة هتبقى كشك مش مؤسسة

      كلام الجماهير مش هيخلص ومش هيكون ثابت ولا موحد

      علشان كدة اللى بيتحمل المسؤلية هو اللى بياخد القرار وهو اللى بيحصد نتايجه


      وزى ماقولت انا متفق معاك ف كل قصص التعاقدات واللى بيحصل فيها

      بس انا بردو كجمهور من حقى اقيم وانقد براحتى ,, خصوصا لما يكون ف خلل واضح ف نقطة معينة

      و ارجع هنا لنقطة المهاجم (بواليا كمثال ) هل انت كنت عايزه فعلا ؟ هل تابعته ؟ مفيش افضل منه كلمته ؟ جودته كانت اعلى من اللى عندك وهيعمل ابجريد فعلا ؟

      ولا انت اشتريته وعايزنى اصبر وبس
      لا مش هصبر طبعا

      وكل مايضيع هنفخ اللاعب والادارة لانى كشخص شايفه جاى من غير تخطيط ولا مناسب لينا ( مثلا )

      انت بقى ( كادارة ) تسمعنى وتغير الاستراتيجية , ولا تنفض ليا ,, تمام حقك

      علاقتنا كجمهور مع الادارة متمثلة ف فكرة ون ون ستويشن ,, مش انى ادعمك ولا مطالب بكدة اصلا ( انا بتدعم النادى )

      تعليق


      • Hosny87
        Hosny87 تم التعليق
        تعديل التعليق
        مستمتع بالنقاش بتاعكو ،👍


      تعليق


        الي بيحصل ف ليفربول دا مثال واضح لما الاداره تبقا عارفه نواقص الفرقه وتطنش دا بيحصل احيانا عندنا

        تعليق


          شادي صبري

          ‏| الأهلي يمدد عقد الثنائي أليو ديانج وحمدي فتحي لمدة 5 سنوات .

          تعليق


          • EL BOB
            EL BOB تم التعليق
            تعديل التعليق
            هالله

          • samaandomar
            samaandomar تم التعليق
            تعديل التعليق
            حلو اوي اوي

          📸| الأهلي يمدد عقد الثنائي أليو ديانج وحمدي فتحي لمدة 5 سنوات .🦅🔥

          🔴|#يلا_يا_أهلي

          تعليق



            تعليق


              المشاركة الأصلية بواسطة abo forat مشاهدة المشاركة
              قرار موفق ومظبوط جدا
              حتي لو حبيبت تبيع ديانج هتبيعه بسعر محترم

              تعليق


                كويس تجديد اللاعبين بدرى عشان النادي ابن اللقيطه ده كل ما يشم ريحة لاعب من الاهلي قرب يخلص عقده بيجرى يلهث وراه زي الكلب

                تعليق


                  كده فاضل السولية ومعلول....
                  أرجو الحسم بدرى...الموافقة على التجديد أو العرض للبيع نهاية الموسم.

                  ده الوقت اللى تظهر فيه قوتك كإدارة وتثبت إنك أقوى من جميع اللاعبين مهما كان إسمه.

                  تعليق


                    الله خطوة جميلة الاتنين كان فاضلهم موسمين غير ده كمان ف اكيد اتظبطو ومددو عقودهم عشان الاتنين ديانج عقده قليل وحمدي فتحي عقده قد محمود وحيد هههه ايعقل يعني
                    شغل عالي ده شابووه .. خط الوسط في امان لمدة خمس سنين قدام

                    تعليق


                      للأسف الواحد محبط جدا ان كلنا كنا منتظرين على احر من الجمر رفع الحصانه عن السافل ده علشان يتم تحريك القضايا اللى عليه فى النيابة وكنت فاكر ان اول يوم رفع الحصانه اسمع عن طلبات للتحقيق معاه
                      وناس اعتقدت ان هايكون فيه قرار بمنع من السفر واللى يقول خلال ايام هاتروح طره
                      لكن ----------------
                      ولا حاجة حصلت معاه ولا فيه اى كلام حتى عن اى شىء
                      علشان كده اعتقد ان المسئولين فى الدوله طلبوا عدم فتح ملف مرتضى مقابل ابعاده عن الصورة
                      ملهاش تفسير تانى عندى
                      كان نفسى اشوفه متبهدل
                      لكن اهو طالع بنفس السفالة يرمى كلام ازاى الزبالك خسر افريقا و الوزير كداب و كلامه فى الهجايص
                      خليهم يفرحوا انهم لسه مش عايزين يشدوه جامد
                      (أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ )
                      الحمد لله

                      تعليق


                        كويس تجديد عقود ديانج وحمدى فتحى وزيادة قيمة عقودهم علشان تقفل الباب قدام أى عرض أو شغل رخيص من بتوع بامبرز
                        الانتماء للجمهور وبس

                        تعليق


                          وحلو ان حوارات حمدي فتحي وسر التاسعة طلعت في الفساكونيا ومصغرش مخه

                          تعليق


                            المشاركة الأصلية بواسطة خميس الشوان مشاهدة المشاركة
                            وحلو ان حوارات حمدي فتحي وسر التاسعة طلعت في الفساكونيا ومصغرش مخه
                            بس حركة تضايق بصراحة
                            حمدى فتحى لازم يأخد حقه مقارنة برجولته وغيرته على الفريق
                            الانتماء للجمهور وبس

                            تعليق

                            يعمل...
                            X