إعـــــــلان

تقليص
لا يوجد إعلان حتى الآن.

إعـــــــلان

تقليص
لا يوجد إعلان حتى الآن.

 صحيـــــفة الأهلـــــــى {90} م (3) رمضان كريم .. الأهلي يطوي صفحة القمة ويبدأ الاستعداد لسموحه .. الاربعاء 9:30 م

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

    #31
    المشاركة الأصلية بواسطة Mr Red Eagle مشاهدة المشاركة
    ياريت يدخلوا تعديلات على قانون التسلل

    يطبق التسلل على القدم والرأس ويتلغي التسلل عن اليد
    ما هو كده بالفعل حاليا يا دكتورنا الغالي
    إذا صرخت فأسمع واذا ضربت فاوجع فإن العاقبة واحدة

    تعليق


    • Mr Red Eagle
      Mr Red Eagle تم التعليق
      تعديل التعليق
      مدير

      سابقا كانت يد المدافع تكسر التسلل عكس المهاجم

      مش عارف هل دلوقتي بقت على الاتنين

    #32

    كارتيرون رفع عرف الديك وفكر نفسه أذكي اخواته اللي فاهم الفولة وفكر ان موسيماني هاينزل يلاعبه جيم دفاعي عشان يلسع قاضية زي ما عمل مع باتشيكو..


    ف لعب بشيكابالا بدل زيزو عشان يعرف يمسك كورة ولعب بمروان حمدي عشان يعلقله وياخد التانيه من الاهلي اللي هيدافع بدل الجزيري اللي هايلعب بيه مرتدات لو الاهلي هاجم..


    ولان الموس عقر وعارف ان دول فاضيين وبياخدوا كوبي فعشمه ونزل لعب جيم استحواذ بفريق بيطلع ويرجع كتلة واحدة ولا ضاغط ولا متراجع متوازن وهايلدغ ف لحظته اللي محددها وقد كان..


    كارتيرون بين الشوطين قام نزل عرف الديك ورفعه تاني فجاتله فكرة عبقريه بانه يغير الجيم.. الاهلي مستحوذ ف انا اقف واعمل مرتدات زي العادة.. وقام منزل الجزيري وزيزو..


    موسيماني قاله جدع.. وقام رجع رص الفرقة واشتغل معاه الجيم الاجلي بعد ما الديك اتكشفت كل اوراقه وطلع فرخة..


    الكوتش الذكي لازم يبقي سابق بخطوة عشان يعرف يودي خصمه مكان ما هو عاوز عشان يضربه وقت ما هو عاوز، ولما خصمه يحاول بتدارك ويتفادي الفخ يبقي هو جاهز بالكتشنة ومجهزله الفخ ف قلب الفخ..


    موسيماني مش مدرب ذكي ده عيل صايع تربية شوارع، وخناقات حواري..

    إذا صرخت فأسمع واذا ضربت فاوجع فإن العاقبة واحدة

    تعليق


      #33

      القلم الأول :


      - سامع يابني انت وهو مدرب صن داونز بيقول ع الزمالك إيه؟ بيقولك من نحن لنواجه عملاق كالزمالك الراجل ياعيني مرعوب مننا ها ها ها عشان تصدقونا لما نقولكم أفريقيا تعرف أمجاده


      * صن داونز يهزم الزمالك في القاهرة بهدفين


      القلم التاني :


      - شوف يأخي رغم إن الراجل فريقه كسب في القاهرة بس عارف قيمة الزمالك ولسه مرعوب وبيقولك من نحن لنفوز على الزمالك في مباراتين متتاليتين . والله العظيم ما هنخلي اي لاعب من صن داونز يهدف فينا


      * الزمالك يخسر بهدف علي جبر في مرماه


      القلم التالت :


      - إلحق الراجل مدرب صن داونز بيقولك الزمالك المرشح الأول للفوز باللقب لا لا إحنا اتغفلنا تغفيلات احسن من دي بكتييير إحنا نضحك عليه ونعمل نفسنا اتنيمنا ونروح نخلص هناك مش كل مرة تسلم الجرة ياحبيبي


      * الزمالك يخسر من موسيماني في المباراة الثالثة على التوالي بثلاثية نظيفة


      القلم الرابع :


      - الراجل المحظوظ بتاع صن داونز ده جاي برجله لأ بقولك إيه زمن صن داونز خلاص ولا وإللي كلته بط بط هترجعه وز وز


      * القاضية يح بوم طااخ خالص


      القلم الخامس :


      - الراجل موسيماني ده صعبان عليا ياعيني لعيبته كلها اتصابت وهياخد على عينه ها ها ها خش برجلك اليمين يامحظوظ جبنالك الديك الفرنسي


      * الأهلي بنص فريق يهزم الزمالك بهدفين مقابل هدف رائع م اللي مالهمش لازمة

      إذا صرخت فأسمع واذا ضربت فاوجع فإن العاقبة واحدة

      تعليق


        #34
        ارسين فينجر
        رئيس لجنة تعديلات الفيفا متبنى فكرة روعة
        ان التسلل يكون بالتلامس على خط مستقيم
        يعنى لو المهاجم متغطى اى جزء من جسمه بمدافع يبقى مفيش تسلل
        كده فرص التهديف اعلى وسهل المان يضبط التسلل اكتر

        تعليق


          #35
          زمان كان لو المهاجم على خط واحد مع مدافع واحد تعتبر تسلل ودا سبب لخبطة كورة حسن شحاته
          كان اللاينات بترفع على كل كورة
          اتغير القانون ده قبل 90

          تعليق


            #36
            المشاركة الأصلية بواسطة samaandomar مشاهدة المشاركة
            كارتيرون رفع عرف الديك وفكر نفسه أذكي اخواته اللي فاهم الفولة وفكر ان موسيماني هاينزل يلاعبه جيم دفاعي عشان يلسع قاضية زي ما عمل مع باتشيكو..


            ف لعب بشيكابالا بدل زيزو عشان يعرف يمسك كورة ولعب بمروان حمدي عشان يعلقله وياخد التانيه من الاهلي اللي هيدافع بدل الجزيري اللي هايلعب بيه مرتدات لو الاهلي هاجم..


            ولان الموس عقر وعارف ان دول فاضيين وبياخدوا كوبي فعشمه ونزل لعب جيم استحواذ بفريق بيطلع ويرجع كتلة واحدة ولا ضاغط ولا متراجع متوازن وهايلدغ ف لحظته اللي محددها وقد كان..


            كارتيرون بين الشوطين قام نزل عرف الديك ورفعه تاني فجاتله فكرة عبقريه بانه يغير الجيم.. الاهلي مستحوذ ف انا اقف واعمل مرتدات زي العادة.. وقام منزل الجزيري وزيزو..


            موسيماني قاله جدع.. وقام رجع رص الفرقة واشتغل معاه الجيم الاجلي بعد ما الديك اتكشفت كل اوراقه وطلع فرخة..


            الكوتش الذكي لازم يبقي سابق بخطوة عشان يعرف يودي خصمه مكان ما هو عاوز عشان يضربه وقت ما هو عاوز، ولما خصمه يحاول بتدارك ويتفادي الفخ يبقي هو جاهز بالكتشنة ومجهزله الفخ ف قلب الفخ..


            موسيماني مش مدرب ذكي ده عيل صايع تربية شوارع، وخناقات حواري..
            نفسى اعرف الى كاتب الكلام ده كان هيكتب ايه لو ضربة الجزاء ( الى جابها الجزيرى نفسه سبحان الله فى الفترة الى كنا سايبينلهم الكورة و واقفين ندافع فى نص ملعبنا ) دخلت

            او لو مرة من ال ١٢٠ مليون مرة الى بن شرقى عدا فيهم من خرم الاوزون الى كان فاتحه بيكهام ناحية اليمين عندنا كان جه منها جون او ضربة جزاء تانية

            بيكهام الى المدرب الصايع بتاع الحوارى بتاعنا قعد يتفرج عليه و هو بيتعدى منه كل هجمة حرفيا و الزمالك كله بيلعب على ناحيته لدرجة انه نزل عبد الله مع فتوح عشان يكملوا فشخ فى الجبهة دى
            و " الصايع " بتاعنا سايبها تتفشخ و مفكرش يخرجه و ينزل اكرم ( او كان نزل اكرم معاه حتى ) غير لما اخد انذار فى الدقيقة حاجة و سبعين و سايبنا نص ساعة بنلعب بطريقة
            ( ربنا يستر ان شاء الله و يضيعوا الكورة بعد ما بن شرقى يعدى )

            موسيمانى ولا صايع ولا بتاع حوارى
            موسيمانى مدرب محظوظ قوى و معاه توفيق عالى قوى ان الخطايا الى لازم يعملها كل ماتش بتعدى على خير

            يا اما يغلط فى التشكيل نفسه و اسلوب اللعب فى الشوط الاولانى فيضيع الشوط الاولانى كله و بعدين يصلح غلطاته دى فربنا يسترها معاه و يلحق الماتش فى الشوط التانى ( و مش دايما هتظبط زى ما ظبطتش فى ماتش المريخ الى كنا محتاجين منه المكسب مش التعادل )

            او ينزل بتشكيل و اسلوب لعب صح الشوط الاولانى و يتقدم و بعدين يخربها بتغييراته و اسلوب لعبه فى الشوط التانى و ربنا يسترها معاه و يعدى بالمكسب و برضو مش دايما هتظبط و نعدى على خير من قرف تغييراته الغلط و تغييراته المتأخرة و الاوقات الى بيقرر يسيب الكورة و يدافع رغم اننا راكبين الماتش نفسيا و فنيا ( و لو المشكلة بدنية يبقى تغير من بدرى عشان تحافظ على تفوقك الفنى و النفسى مش ترجع ورا و تسيب للخصم الخسران شوط كامل يهاجمك فيه و تقول ان شاء الله مش هيعرف يجيب جون )

            احنا من اول الدور الى جاى فى افريقيا عندنا ٦ ماتشات تقيلة عشان نوصل للعاشرة
            مش كل مرة فى ال ٦ ماتشات هتسلم الجرة و ربنا يسترها معانا رغم غلطاته
            التعديل الأخير تم بواسطة ahly is no. 1; الساعة 20-04-2021, 03:59 PM.

            تعليق


              #37
              ahly is no. 1



              قبل ماتش القمة بالليل اتكلمت على الموسيمانية لما هايتكلموا على عبقرية الراجل بعد الماتش

              بس متوقعتش ان الامور هتوصل للدرجة دي

              Scratch here ▒▒▒▒▒▒▒▒▒▒▒▒ to reveal

              تعليق


                #38
                المشاركة الأصلية بواسطة EL BOB مشاهدة المشاركة
                ahly is no. 1



                قبل ماتش القمة بالليل اتكلمت على الموسيمانية لما هايتكلموا على عبقرية الراجل بعد الماتش

                بس متوقعتش ان الامور هتوصل للدرجة دي
                الموضوع سهل جدا و الله
                سواء بالنسبة لمستوى المدرب او اللعيبة
                الناس ترجع لعدد النقل المباشر بس و تقراه تانى و كله هيعرف الماتش كان وضعه الحقيقى ايه
                ​​​​​​

                تعليق


                  #39
                  هو عندنا في مصر عرف ان المدرب الكسبان برنس دايما والخسران غلطان علي طول ايا كان سير المباراة غالبا

                  الحمد لله ان العرف ده مش سائد في المنتدي ده بنسبة معينة

                  احنا حتي جوزيه كنا بنسلخه لما نختلف معاه في حاجة


                  تعليق


                    #40
                    الحجج جاهزة واننا بنلعب ناقصين 5 ل 6 لاعيبة أساسية
                    الفريق كان شكله محترم الشوط الأول ايه اللى حصل علشان يبقى منظرنا كدا الشوط التانى ؟؟
                    الانتماء للجمهور وبس

                    تعليق


                      #41
                      المشاركة الأصلية بواسطة ahly is no. 1 مشاهدة المشاركة

                      نفسى اعرف الى كاتب الكلام ده كان هيكتب ايه لو ضربة الجزاء ( الى جابها الجزيرى نفسه سبحان الله فى الفترة الى كنا سايبينلهم الكورة و واقفين ندافع فى نص ملعبنا ) دخلت



                      او لو كوره محمد شريف ف اول دقيقه دخلت

                      او انفرادين الشحات العبيط لو شاطهم مباشرة و سجلهم بكل سهوله

                      تعليق


                        #42
                        المشاركة الأصلية بواسطة ahly is no. 1 مشاهدة المشاركة

                        موسيمانى مدرب محظوظ قوى و معاه توفيق عالى قوى ان الخطايا الى لازم يعملها كل ماتش بتعدى على خير
                        انا عايز ابروز الحتة دي مع اتفاقي في اغلب الكلام بس علشان والله يا باشا قايلها من تقريبا 3 او 4 شهور في تحليل كنت كاتبة بس مفرهط ومش قادر اخش اجيبة بس الناس اكيد فاكراة لما كنا عاملين اداء زفت في نهائي القرن وكرة زيزو ردت من العارضة قبل الهدف واداء زبالة في الكاس وفزنا ضربات جزاء وروحنا كاس الاندية لعبنا تقريبا شوط عدل وخدنا الميدالية ضربات جزاء ...وابو سما وحسن معانا في المنتدى وعايشين الحمد لله وقولت باللفظ اننا مش هنشوف تكتيك ولا اداء ثابت وانة متحفظ جداً بس صعب يتغلب
                        Scratch here ▒▒▒▒▒▒▒▒▒▒▒▒ to reveal

                        تعليق


                          #43
                          احنا لو هنمشيها ب " لو " نص التاريخ هيتمحي

                          انا معترف جدا بحاجه اسمها محصله نهائيه
                          دوري او افريقيا + بطوله جانبيه زي الكاس و السوبر و الكلام ده

                          يا سلااام موسم جميل و راضي بيه و زي الفل

                          هل ده بيتحقق دلوقتي او ف الطريق اليه ؟
                          اه الحمد لله

                          خدنا دوري بالايطوره فايلر اللي هو اي كلام بالنسبه لناس كتير و و اي حد يقدر يكسبه و سهل تحقيقه معرفش ازاي الصراحه

                          خدنا افريقيا بعد 3 ماتشات قدام الوداد و الزبالك كسبنا التلاته (( افريقيا كمان بالنسبه لي مش مقياس كسبها محمد يوسف قبل كده ))

                          خدنا الكاس و الحمد لله

                          بدأنا الدوري 3 تعادلات ب 3 اخطاء تحكيميه ضربه جزاء دجله و هدف صحيح ملغي البنك الاهلي و ضربه جزاء و هدف قدام بيراميدز + فوز في ماتش القمه

                          بدأنا افريقيا و صعدنا و الحمد لله بنقط اكتر من نقط الاسطوره فايلر مع ظلم تحكيمي اثر ف مشوار الصداره ماتش فيتا

                          دخلنا كاس عالم للانديه تالت عالم افضل انجاز من 15 سنه + اول فوز على فريق لاتيني


                          ده ملخص ال 6 شهور اللي فاتوا
                          نسبه النجاح بالنسبه لي ايه ؟

                          100%


                          بعيدا عن موضوع الاصابات و الظروف اللي بيمر بيها الفريق و الغيابات

                          تعليق


                            #44
                            كل سنة وانتم جميعا طيبين و بخير و صحة و سعادة دايما
                            ومن يتق الله يجعل له مخرجا

                            تعليق


                            • Mr Red Eagle
                              Mr Red Eagle تم التعليق
                              تعديل التعليق
                              كل عام والأهل بخير وصحة وعافية إن شاء الله يا غالي

                            #45
                            موسيماني باختصار هو مدرب الشوط الواحد

                            علشان كده طالبنا بمدرب عام قوي معاه
                            "Mia San Mia"

                            تعليق

                            يعمل...
                            X